....ലേഖനങ്ങള്‍ , ചിത്രങ്ങള്‍ chemkerala@gmail.com എന്ന വിലാസത്തില്‍ അയക്കുക.....................

അമോണിയയുടെ ജലധാര പരീക്ഷണം

കോഴിക്കോട് ജില്ലയിലെ വളവന്നൂരിലുള്ള BYKV HSS-ലെ സന്തോഷ് കുമാര്‍ സാര്‍ അധ്യാപക പരിശീലനത്തിന്റെ ഭാഗമായി നടത്തിയ അമോണിയയുടെ ജലധാര പരീക്ഷണത്തിന്റെ വ്യക്തതയുള്ള ഒരു വീഡിയോ അവതരിപ്പിച്ചിരിക്കുന്നു. അധ്യാപകര്‍ ഇത് കണ്ടു വിലയിരുത്തിയ ശേഷം കുട്ടികള്‍ക്ക് കാണുവാന്‍ അവസരം സൃഷ്ടിക്കണമെന്ന് അഭ്യര്‍ഥിക്കുന്ന.

ഇലെക്ട്രോ കെമിക്കല്‍ സീരീസെന്നാല്‍......കവിത

ഇലെക്ട്രോ കെമിക്കല്‍ സീരീസെന്നാല്‍ ക്രിയാശീല ശ്രേണിയാണ്  
ലോഹങ്ങളുടെ ശ്രേണിയാണ്  ക്രിയാശീല ശ്രേണിയാണ്  
ലോഹങ്ങളുടെ ക്രിയാശീലം കുറഞ്ഞു വരുന്ന സീരീസാണ്
ലോഹങ്ങളുടെ ക്രിയാശേഷി കുറഞ്ഞു വരുന്ന ശ്രേണിയാണ്  
പൊട്ടാസിയം ,സോഡിയം ,കാല്‍സിയം ,മഗ്നീഷ്യം പിന്നെ അലുമിനിയവും 
സിങ്ക് ,അയണ്‍,നിക്കല്‍ ,ടിന്‍ ,ലെഡ് ,കോപ്പര്‍ ,മെര്‍ക്കുറി ,സില്‍വര്‍, ഗോള്‍ഡ്‌ 
സോഡിയം മുറിച്ചു വെച്ചാല്‍ തിളക്കം പോകുന്നു വേഗത്തില്‍ 
ഇരുമ്പോ തുറന്നിരുന്നാല്‍ നിറം പോകുന്നു സാവധാനം 
പ്ലാറ്റിനം സ്വര്‍ണം പോലെ വായുവില്‍ തിളങ്ങി ജീവിക്കും 
കോപ്പറും സില്‍വറുമാകട്ടെ പയ്യെ പയ്യെ മങ്ങുന്നു 
സോഡിയം വെള്ളത്തിലിട്ടാല്‍ ഗോളത്തിലായി ലയിക്കുന്നു 
പൊട്ടാസിയം വെള്ളത്തിലിട്ടാല്‍ പൊട്ടിത്തെറിക്കുന്നു സ്ഫോടനത്താല്‍
ആസിഡും ലോഹവും ചേര്‍ന്നാല്‍ ഹൈഡ്രജന്‍ വാതകം പൊങ്ങുന്നു 
അമ്ലത്തിന്‍ രൂപം മാറ്റി ടാറ്റ ചൊല്ലി പോകുന്നു 
കോപ്പറും സ്വര്‍ണവുമൊന്നും ആസിഡുമായി ചേരില്ല 
ഹൈഡ്രജനെ ആസിഡില്‍ നിന്നും ആദേശം ചെയ്യാന്‍ പറ്റില്ല
ശ്രേണിയിലെ മുന്‍പന്മാരെല്ലാം പിന്‍പന്മാരെല്ലാം ചാടിക്കും 
നാകവും ചെമ്പും ചേര്‍ന്നൊരു സെല്ലില്‍ വൈദ്യതി ഉണ്ടാകും 
ലോഹങ്ങള്‍ മാറ്റി മാറ്റി കൂടുതല്‍ സെല്ലുകള്‍ ഉണ്ടാക്കാം 
സിങ്ക് ആറ്റം രണ്ടു ഇലക്ട്രോണുകള്‍ വിട്ടു കൊടുക്കുന്നു കൊപ്പറിനു
കോപ്പറോ ആ ഇലക്ട്രോണുകള്‍ സ്വീകരിക്കുന്നു സന്തോഷമായ്
സെല്ലിലൊരു സോള്‍ട്ട് പാലം വെച്ച് കൊടുത്താല്‍ കിട്ടുന്നു 
എപ്പോഴും സെല്ലില്‍ നിന്ന് വൈദ്യതി നമുക്ക് കിട്ടുന്നു 

ബാബു എബ്രഹാം 
പാട്ട് പാടി കേള്‍ക്കണോ ഡൌണ്‍ലോഡ് ബട്ടണില്‍ ക്ലിക്ക് ചെയൂ

ലൂയി പാസ്ചര്‍ - ചരമ ദിനം

Louis Pasteur(1822-1895)
പത്തൊന്പതാം നൂറ്റാണ്ടില്‍ ജീവിച്ചിരുന്ന പ്രശസ്തനായ ശാസ്ത്രജ്ഞനാണ്‌ ലൂയി പാസ്ചര്‍. ഇദ്ദേഹം 1822ൽ ഫ്രാന്‍സിലെ ഡോളില്‍ ജനിച്ചു.നഗ്നനേത്രങ്ങള്‍ കൊണ്ട് കാണാന്‍ പറ്റാത്ത സൂക്ഷ്മ ജീവികളാണ്‌ പകര്‍ച്ച വ്യാധികളുണ്ടാക്കുന്നതെന്ന് ആദ്യം തിരിച്ചറിഞ്ഞത് ഇദ്ദേഹമാണ്‌. പേവിഷബാധക്കുള്ള പ്രതിരോധ മരുന്നു കണ്ടു പിടിച്ചതും,സൂക്ഷ്മരോഗാണുക്കളെ നശിപ്പിക്കാനുള്ള പാസ്ചുറൈസേഷന്‍ വിദ്യ കണ്ടുപിടിച്ചതും ലൂയി പാസ്ചറിന്റെ പ്രധാന നേട്ടങ്ങളാണ്‌. മൈക്രോബയോളജിയുടെ പിതാവായും ലൂയി പാസ്ചര്‍ അറിയപ്പെടുന്നു.
ഡിസംബര്‍ 27, 1822 ന് ഫ്രാന്‍സിലെ ജൂറാ പ്രവിശ്യയിലായിരുന്നു പാസ്ചറുടെ ജനനം. അദ്ദേഹത്തിന്റെ പിതാവ് ഒരു ദരിദ്രനായ ചെരുപ്പുകുത്തിയായിരുന്നു. അര്‍ബോയിസ് എന്ന പട്ടണത്തിലാണ് പാസ്ചര്‍ വളര്‍ന്നത്. പ്രശസ്തമായ എക്കോള്‍ കോളേജില്‍ ചേരുന്നതിനു മുന്‍പേ അദ്ദേഹം ഗണിതശാസ്ത്രത്തിലും ഭാഷയിലും ബിരുദം നേടിയിരുന്നു. 1848-ല്‍ ഭൗതികശാസ്ത്രത്തില്‍ പ്രൊഫസറായി നിയമിതനായി. കുറച്ചുകാലം കഴിഞ്ഞപ്പോള്‍ സ്ട്രാസ്ബർഗ് യൂനിവേഴ്സിറ്റിയില്‍ രസതന്ത്രം പ്രൊഫസറായി നിയോഗിക്കപ്പെട്ടു.
രസതന്ത്രജ്ഞനായി ജോലി ചെയ്തിരുന്ന കാലത്ത് അദ്ദേഹം ടാര്‍ടാറിക് അമ്ളത്തിന്റെ ഘടനയെപ്പറ്റിയുള്ള ഒരു പ്രശ്നം

CONGRATULATIONS, Babu.T.john.....!!!!!!!

Babu.T.John wins state award for Teachers.This is declared on sept.5 on the occasion of Teachers day.He is now working as a CHEMISTRY Teacher,in st.Josephs H.S,Koovappally,kanjirappally Edu.district[Kottayam dt.]......hearty congrats....!!!!!!!!!!!!!
                                             He was a member of SRG[chemistry]&  was the secretary of DSTA[kattappana] for a long period of8yrs.Now he is the president of HABITAT-school science teachers organisation.He was a participant and winner in a no. of state science fairs in teacher projects.Participated in national childrens science congress in kolkkotha-2000,Lukhnow-2003,as students guide.Represented Kerala state in national science teachers conference held in Bhopal-2003......He is bagging cent percent results in SSLC exams .....students of 12 schools in Idukki,Kottayam districts are always thankful to him,as he extended his glorious supports to them....He worked in 12 schools as part of his service till now.................................District co ordinator of energy conservation club,winner of the awad for the  best energy conservation club co ordinator...Best DCL organiser...SEED,NALLA PAADAM co ordinator....Comprehensive teacher training programme trainer... Congrats......DEAR..... BABU.T.......you deserve it..................Hearty congrats .......For the blog team,-K.LAL,SRVNSSVHSS,Chirakkadavu.

അന്താരാഷ്ട്ര ഓസോണ്‍ ദിനം - സെപ്റ്റംബര്‍ 16

ഇന്ന് അന്താരാഷ്ട്ര ഓസോണ്‍ ദിനം. ഹരിതഗൃഹ വാതകങ്ങളുടെ അമിതമായ പുറന്തള്ളല്‍ മൂലം അന്തരീക്ഷത്തിലെ ഓസോണ്‍ പാളിയില്‍ വിള്ളല്‍ ഉണ്ടായെന്ന കണ്ടെത്തലിനെത്തുടര്‍ന്നാണ് ഓസോണ്‍ ദിനം ആചരിക്കാന്‍ ലോകരാഷ്ട്രങ്ങള്‍ തീരുമാനിച്ചത്. ആകാശത്തേയും അന്തരീക്ഷത്തേയും വരുംതലമുറയ്ക്കായി കാത്തുസൂക്ഷിക്കുക എന്നതാണ് ഈ വര്‍ഷത്തെ ഓസോണ്‍ ദിന സന്ദേശം. ഓസോണ്‍ പാളി രക്ഷിക്കുന്ന എന്ന ലക്ഷ്യത്തോടെ ഐക്യരാഷ്ട്ര സംഘടനയുടെ നേതൃത്വത്തില്‍ 1987 സെപ്റ്റംബര്‍ 16 നു മോണ്‍ട്രിയോയില്‍ ഉടമ്പടി ഒപ്പുവച്ചു. കരാര്‍ പ്രകാരം ക്ലോറോഫ്ളൂറോ കാര്‍ബണ്‍ ഉള്‍പ്പെടെയുള്ള ഹരിതഗൃഹ വാതകങ്ങള്‍ പുറന്തള്ളുന്നതില്‍ ലോകരാജ്യങ്ങള്‍ ശക്തമായ നടപടി സ്വീകരിച്ചു. ഇതോടെ ഓസോണ്‍ പാളിയുടെ വിള്ളലില്‍ കാര്യമായ കുറവ് വന്നതായി ശാസ്ത്രലോകം. 2006 വരെ ഓസോണ്‍ പാളിയില്‍ വിള്ളലുണ്ടാകുന്നതു തുടര്‍ന്നു വന്നു. ചരിത്രത്തിലെ ഏറ്റവും വലിയ വിള്ളല്‍ രേഖപ്പെടുത്തിയതും ഇതേ വര്‍ഷമാണ്. 29ദശലക്ഷം ചതുരശ്വ കിലോമീറ്റര്‍. ഓസോണിന്‍റെ വിള്ളലില്‍ മൂന്നു ശതമാനം കുറവാണു രേഖപ്പെടുത്തിയതെന്നു ശാസ്ത്രജ്ഞര്‍. ഈ നൂറ്റാണ്ടിന്‍റെ മധ്യത്തോടെ വിള്ളല്‍ പൂര്‍ണമായും ഇല്ലാതാകുമെന്നും 1980 കള്‍ക്കു മുന്‍പുള്ള അവസ്ഥയിലേക്കു മടങ്ങിയെത്തുമെന്നും ശാസ്ത്രലോകം അറിയിച്ചു.

ലോഹങ്ങളുടെ ആദേശ രാസപ്രവര്‍ത്തനം - ആനിമേഷന്‍

ലോഹങ്ങളുടെ ആദേശ രാസപ്രവര്‍ത്തനം ശരിയാം വണ്ണം മനസ്സിലാക്കുന്നതിനു സഹായകമായ ഒരു ആനിമേഷന്‍ കാണുന്നതിനു ക്ലിക്ക് ചെയ്യുക
നിര്‍ദേശങ്ങള്‍
ആദ്യം സ്റ്റാര്‍ട്ട്‌ ബട്ടന്‍ ക്ലിക്ക് ചെയ്യണം
അക്ടിവിടി 1 ബട്ടന്‍ ക്ലിക്ക് ചെയ്യുക
ലോഹങ്ങള്‍ മുക്കുന്നതിനുള്ള ബട്ടന്‍ ക്ലിക്ക് ചെയ്യുക
ലോഹങ്ങള്‍ തിരിച്ചെടുക്കുന്നതിന് അതെ ബട്ടന്‍ ക്ലിക്ക് ചെയ്യുക
തന്മാത്ര ലെവല്‍ രാസപ്രവര്‍ത്തനം കാണുന്നതിനുള്ള ബട്ടന്‍ ക്ലിക്ക് ചെയ്യുക
Click here to view the animation

ഹിരോഷിമ ,നാഗസാക്കിയിലെ ആ ദിനങ്ങള്‍


1945,ഓഗസ്റ്റ് 6.ഹിരോഷിമയില്‍ ബോംബ്‌ പതിച്ച കറുത്ത ദിനം. അന്ന് ജപ്പാനില്‍ വിതക്കപ്പെട്ട നാശത്തിന്റെ വിത്തുകള്‍ ഇന്നും അവിടെ പൊട്ടി മുളച്ചു കൊണ്ടിരിക്കുന്നു. അന്ന് ഒരു തിങ്കളാഴ്ച ആയിരുന്നു. Tinian എന്ന വടക്കന്‍ പസഫിക് ദ്വീപില്‍ നിന്നും 12 സൈനികരും ആയി എനൊള ഗെ എന്നൊരു ബി-29 വിമാനം പറന്നുയര്‍ന്നു. 1500 മൈലുകള്‍ക്കപ്പുറമുള്ള ജപ്പാന്‍ ആയിരുന്നു അതിന്റെ ലക്‌ഷ്യം. വിമാനത്തിന്റെ സീലിങ്ങില്‍ നിന്നും ഒരു കൊളുത്തില്‍ തൂങ്ങി കിടക്കുകയായിരുന്നു മൂന്നു മീറ്റര്‍ നീളവും 4400kg ഭാരവുമുള്ള ലിറ്റില്‍ ബോയ്‌ -ലോകത്തിലെ രണ്ടാമത്തെ ആറ്റം ബോംബ്‌ ഒന്നാമതേത്(The Gadget) ഏതാനും നാള്‍ മുന്‍പ് മെക്സിക്കോയിലെ മരുഭൂമിയില്‍ പരീക്ഷണാര്‍ധം സ്ഫോടനം നടത്തി വിജയം ഉറപ്പു വരുത്തിയിരുന്നു. ഹിരോഷിമ നഗരത്തിലെ AIOI പാലമായിരുന്നു അതിന്റെ ലക്‌ഷ്യം. വിമാനം അതിന്റെ ലക്ഷ്യത്തിലേക്ക് അടുത്ത് വന്നു കൊണ്ടിരുന്നു. ക്യാപ്റ്റന്‍ വില്ല്യം .S.പാര്‍സന്‍സിന്റെ കണക്കുകൂട്ടല്‍ പാളി. പാലത്തില്‍ നിന്നും 800 അടി മാറിയാണ് ബോംബ്‌ പതിച്ചത്. അതിഭയങ്കരമായ ചൂടില്‍ ഹിരോഷിമ ഉരുകി തിളച്ചു. പാലം ഉരുകി ഒലിച്ചു പോയി. (ആദ്യത്തെ ആറ്റം ബോംബ്‌ ടെസ്റ്റിംഗ് സമയത്ത് ഉണ്ടായത് സൂര്യന്റെ ഉപരിതലതിലുള്ളതിന്റെ 10000 മടങ്ങ്‌ ചൂടാണ്. ) എന്താണ് സംഭവിച്ചതെന്നറിയാതെ ഒരു നിമിഷം ജനം പകച്ചു നിന്നു. എവിടെയും അഗ്നി ഗോളങ്ങള്‍. ആകാശത്തിന്റെ ഉയരങ്ങളിലേക്ക് വളര്‍ന്നു പന്തലിക്കുന്ന കൂണ്‍ മേഘങ്ങള്‍.(Mushroom clouds) കാതു തുളക്കുന്ന പൊട്ടിത്തെറിയുടെ ശബ്ദം.പച്ച മാംസം കരിഞ്ഞതിന്റെ മനം മടുപ്പിക്കുന്ന ഗന്ധം . സ്വപ്നങ്ങളെല്ലാം തകര്‍ന്നടിയുന്നതിന്റെ ഹൃദയഭേദകമായ നിലവിളി. മനുഷ്യന്റെയും മൃഗങ്ങളുടെയും കത്തിക്കരിഞ്ഞ അസ്ഥികൂടങ്ങള്‍. ശരീരമാസകലം പൊളളലേററ മനുഷ്യ രൂപങ്ങള്‍. . ഏകദേശം 100000 ആളുകള്‍ ആണ് സ്ഫോടനം നടന്ന ഉടനെ കൊല്ലപ്പെട്ടത്. 145000 ല്‍ അധികം പേര്‍ റേഡിയേഷന്റ പ്രത്യാഘാതങ്ങള്‍ മൂലം പിന്നീട് ഇഞ്ചിഞ്ചായി മരിച്ചു . ലോകം കീഴടക്കാനുള്ള മനുഷ്യന്റെ ത്വര ഇത് കൊണ്ടും ശമിച്ചില്ല . രണ്ടു ദിവസങ്ങള്‍ക്കു ശേഷം മേജര്‍ സ്വീനി പൈലററ് ആയുള്ള ബോസ്കര്‍ എന്ന വിമാനം ഫാറ്റ് മാന്‍ - നെയും വഹിച്ചു കൊണ്ട് പറന്നു. ജപ്പാനിലെ മറ്റൊരു നഗരമായ കൊകുര (Kokura) ആയിരുന്നു ഉന്നം. പക്ഷെ

മാഡം ക്യൂറി ചരമ ദിനം - ജൂലൈ നാല്

ശാസ്ത്രത്തിന്റെ ചരിത്രത്തില്‍ മഹാ ശാസ്ത്രജ്ഞന്മാര്‍ മേരി സ്ക്ലോഡോവ്സ്കാ ക്യുറിയെക്കുറിച്ച് ഇങ്ങനെ കൊത്തിവെച്ചു; "A TRULY REMARKABLE IN THE HISTORY OF SCIENCE" . ശാസ്ത്ര ലോകത്തെ ആകമാനം വിറപ്പിച്ച ആ അത്ഭുത വനിതാപ്രതിഭയെ കുറിച്ച് ശ്രീമതി സിന്ധു എസ് നായര്‍ രചിച്ച അതിമനോഹരമായ ഒരു പുസ്തകമാണ് മേഡം ക്യുറി. ഒരുനാള്‍ വിശപ്പ്‌ സഹിക്കാതെ തളര്‍ന്നു വീണ മേഡം ക്യുറി,പിന്നീടൊരുനാള്‍ ശാസ്ത്ര ലോകത്തിന്റെ ഗതി തന്നെ മാറ്റിമറിച്ചു എന്നത് ഒരു പക്ഷെ ഏവര്‍ക്കും അവിശ്വസിനീയമായ കാര്യമായിരിക്കാം. ജീവിതത്തില്‍ കൊത്തിവെച്ച ലക്ഷ്യത്തില്‍ നിന്ന് വ്യതിചലിക്കാത്ത കഠിന പ്രയത്നവും നിശ്ചയദാര്‍ഡ്യവും അവരെ ശാസ്ത്രത്തിന്റെ രക്ഷകയാക്കി.

അത്യുത്തമ നേട്ടത്തിന്റെയും, വിനയത്തിന്റെയും, മഹത്വത്തിന്റെയും മാതൃകയാണ് മേരി പിയറി ദമ്പതികള്‍. തളരാത്ത മനസ്സുമായി ചോര്‍ന്നൊലിച്ച "പരീക്ഷണ ശാലയില്‍" അവള്‍ അധ്വാനിക്കുമ്പോള്‍ പ്രിയതമക്ക് കൂട്ടായി ഉപദേശങ്ങളൊടെ പിയറി ക്യുറി എന്ന മഹാനായ ശാസ്ത്രജ്ഞനമുണ്ടായിരുന്നു. ഭാവി തലമുറയ്ക്ക് വേണ്ടി ജീവന്‍ തന്നെ ഹോമിച്ച ഒരു പ്രതിഭയായിരുന്നു മേരി ക്യുറി.പത്തൊന്‍പതാം നൂറ്റാണ്ടിലെ ശാസ്ത്രവികാസ ചരിത്രത്തിലെ ഏറ്റവും നിര്‍ണായകമായ കണ്ടുപിടിത്തമാണ് റേഡിയം.ഇതിനായി തന്റെ ജീവിതം മുഴുവന്‍ അര്‍പ്പിച്ച മേരിയുടെ അര്‍പ്പണ ബോധത്തിന്റെ ഫലമായാണ്‌ റേഡിയം എന്ന അത്ഭുത മൂലകം പിറവിയെടുത്തത്.യൂറോപ്പ് ഭൂഖണ്ടത്തില്‍ ഡോക്ടറേറ്റ് നേടിയ ആദ്യ വനിത,നോബല്‍ സമ്മാനം നേടുന്ന പ്രഥമ വനിത,രണ്ടു പ്രാവശ്യം രണ്ടു വിഷയങ്ങള്‍ക്കായി നോബല്‍ സമ്മാനം നേടുന്ന പ്രഥമ വനിത,തുടങ്ങിയ അത്യപൂര്‍വമായ നേട്ടങ്ങള്‍ക്ക്‌ ഉടമയായിരുന്നു റേഡിയത്തിന്റെയും പൊളൊനിയത്തിന്റെയും മാതാവ്‌ .

1867 നവംബര്‍ 7 ന്‌ പോളണ്ടിലെ കുലീനമായ ഒരു കുടുംബത്തിലാണ്

പദാര്‍ഥങ്ങളുടെ അവസ്ഥ

ഖരം ദ്രാവകം വാതകം എന്നിങ്ങനെ പദാര്‍ത്ഥങ്ങള്‍ക്ക് മൂന്ന് അവസ്ഥകള്‍ ഉണ്ട് .ഈ മൂന്ന് അവസ്ഥകളും നിര്‍മ്മിക്കപ്പെട്ടിരിക്കുന്നത് കണികകള്‍ കൊണ്ടാണ് . ഒരവസ്ഥയില്‍ നിന്നും മറ്റൊരവാസ്ഥയിലേക്ക് മാറുമ്പോള്‍ കണികകളുടെ ക്രമീകരണത്തിനാണ് വ്യത്യാസം വരുന്നത്.എളുപ്പത്തില്‍ ഇത് മനസ്സിലാകുവാന്‍ ഈ ആനിമേഷന്‍ കണ്ടു നോക്കു.
നിര്‍ദേശങ്ങള്‍ :
അനിമേഷന്‍ തുടങ്ങുന്നതിനു   CLICK TO START ബട്ടണില്‍ ക്ലിക്ക് ചെയ്യുക

ഓരോ പ്രാവശ്യം 
INCREASE TEMPERATURE  ബട്ടണില്‍ ക്ലിക്ക്‌ ചെയ്യുമ്പോള്‍ ഊഷ്മാവ്‌ കൂടി വരും

ആനിമേഷന്‍ കാണാന്‍  ഇവിടെ 
ക്ലിക്ക്‌ ചെയ്യൂ.

ആദ്യ പാഠവും ആയി ബന്ധപെട്ട കൂടുതല്‍ പോസ്റ്റുകള്‍ക്ക്‌ ക്ലിക്ക് ഇവിടെ ക്ലിക്ക് ചെയ്യൂ 

വരൂ….ശുക്ര സംതരണം കാണാം……..വീഡിയോ

(കടപ്പാട് )എസ്  നവനീത് കൃഷ്ണന്‍ (

            പുതിയ ആകാശക്കാഴ്ചകള്‍ക്ക് വഴിയൊരുക്കി ശുക്രസംതരണം വരുന്നു. സൂര്യബിംബത്തിനു മുന്നിലൂടെ ഒരു കറുത്ത പൊട്ടു പോലെ ശുക്രന്‍ കടന്നുപോകുന്ന കാഴ്ച. മഴക്കാറുകള്‍ ചതിച്ചില്ലെങ്കില്‍ 2012 ജൂണ്‍ 6 ന് ഉദയം മുതല്‍ ഏതാണ്ട് 10 മണിവരെ അപൂര്‍വമായ ഈ ആകാശക്കാഴ്ച നമുക്ക് ദൃശ്യമാകും. അന്നിതു കണ്ടില്ലെങ്കില്‍ ജീവിതത്തിലൊരിക്കലും നമുക്കീ കാഴ്ച കാണാനുള്ള അവസരമുണ്ടാകില്ല. കാരണം അടുത്ത ശുക്രസംതരണം 2117 ലാണ്! എന്താണ് ശുക്രസംതരണം? സൂര്യഗ്രഹണം കൂട്ടുകാര്‍ കണ്ടിട്ടുണ്ടാകും. സൂര്യനും ഭൂമിക്കും ഇടയിലൂടെ ചന്ദ്രന്‍ കടന്നുപോകുമ്പോള്‍ സംഭവിക്കുന്ന അപൂര്‍വവും സുന്ദരവുമായ ജ്യോതിശ്ശാസ്ത്രപ്രതിഭാസം. എത്ര രസകരമായ കാഴ്ച അല്ലേ? സൂര്യബിംബത്തിനും നമുക്കും ഇടയിലൂടെ ഏത് വസ്തു കടന്നുപോയാലും സൂര്യബിംബം മറയപ്പെടും. സായാഹ്നത്തിലെ ചുവന്നുതുടുത്ത സൂര്യനു മുന്നിലൂടെ ഒരു പക്ഷി പറന്നു പോകുന്നതു പോലും രസകരമായ കാഴ്ചയാണ്. ചിലപ്പോള്‍ ഭൂമിക്കു പുറത്തുള്ള മറ്റു വസ്തുക്കള്‍ ഇങ്ങനെ സൂര്യനും ഭൂമിക്കും ഇടയിലൂടെ കടന്നു പോകും. ചന്ദ്രനെ മാറ്റിനിര്‍ത്തിയാല്‍ ബുധനും ശുക്രനുമാണ് ഇങ്ങനെ കടന്നു പോകാറുള്ളത്. സൂര്യബിംബത്തില്‍ ഒരു ചെറിയ കറുത്ത പൊട്ടുപോലെയാണ് ഇത് കാണപ്പെടുക. സൂര്യനെ പൂര്‍ണമായി മറയ്ക്കാന്‍ കഴിയാത്തതിനാല്‍ സംതരണം എന്നാണ് ഇത്തരം ജ്യോതിശ്ശാസ്ത്രപ്രതിഭാസങ്ങളെ വിളിക്കുന്നത്. ശുക്രന്‍ സൂര്യന്റെ മുന്നിലൂടെ കടന്നുപോകുമ്പോള്‍ ശുക്രസംതരണം(Transit of Venus or TOV) എന്നും ബുധന്‍ കടന്നുപോകുമ്പോള്‍ ബുധസംതരണം എന്നും പറയും. ഒരു നൂറ്റാണ്ടില്‍ പതിമൂന്നോ പതിനാലോ ബുധസംതരണങ്ങള്‍ നടക്കാറുണ്ട്. എന്നാല്‍ ശുക്രസംതരണം വളരെ അപൂര്‍വമാണ്. നൂറ്റാണ്ടില്‍ ഒന്നോ രണ്ടോ തവണ മാത്രം!

ചരിത്രം
       
ശുക്രനെക്കുറിച്ച് പ്രാചീനര്‍ക്ക് അറിവുണ്ടായിരുന്നെങ്കിലും ശുക്രസംതരണം എന്ന പ്രതിഭാസം അവരുടെ ശ്രദ്ധയില്‍പ്പെട്ടതിനെക്കുറിച്ചു വ്യക്തമായ തെളിവുകളൊന്നുമില്ല. ബാബിലോണിയക്കാരുടെ രേഖകളില്‍ ശുക്രനെക്കുറിച്ചും സൂര്യനെക്കുറിച്ചും പറയുന്നുണ്ടെങ്കിലും ശുക്രസംതരണത്തെക്കുറിച്ച് വ്യക്തമായ സൂചനകളൊന്നും തന്നെ അതു നല്‍കുന്നില്ല. കെപ്ലര്‍ ആണ് ശുക്രസംതരണത്തെക്കുറിച്ച് ആദ്യം പ്രവചനങ്ങള്‍ നടത്തുന്നത്. 1631 ഡിസംബര്‍ 6 നും 1761 ലും ശുക്രസംതരണം നടക്കുമെന്ന് ടൈക്കോബ്രാഹയുടെ നിരീക്ഷണരേഖകള്‍ വച്ച് അദ്ദേഹം പ്രവചിച്ചു. പക്ഷേ നിര്‍ഭാഗ്യമെന്നു പറയട്ടെ 1631 നു നടന്ന ശുക്രസംതരണം യൂറോപ്പിലൊന്നും തന്നെ കാണാന്‍ കഴിഞ്ഞിരുന്നില്ല.
1639 ലെ ശുക്രസംതരണം പ്രവചിക്കാന്‍ കെപ്ലര്‍ വിട്ടുപോവുകയും ചെയ്തു. പക്ഷേ അതിനുള്ള അവസരം ലഭിച്ചത് നിരന്തരം ശുക്രനെ

റിവിഷന്‍ നടത്തണ്ടേ ?

പുതിയ പുസ്തകം പുതിയ രീതികള്‍ പരീക്ഷക്ക്‌ തയ്യാറാകുമ്പോള്‍ ചോദ്യങ്ങള്‍ പരിചിതമാകണം, അതിനായി കെം കേരള സൗകര്യം ഒരുക്കുന്നു . ചോദ്യ പേപറുകള്‍ ഡൌണ്‍ ലോഡ് ചെയ്യുന്നതിന് താഴെ കൊടുത്തിട്ടുള്ള ലിങ്കുകളില്‍ ക്ലിക്ക് ചെയ്യൂ. തുടര്‍ന്നുള്ള ദിവസങ്ങളില്‍ കൂടുതല്‍ ചോദ്യപേപറുകള്‍ ഉള്‍പ്പെടുത്തുന്നതായിരിക്കും.

  • ആലപ്പുഴ ജില്ല പഞ്ചായത്ത് തയ്യാറാക്കിയ " നിറവ്-2012 " 
  • part1
  • part2
  • part3